Sunday 3 September 2017

വിവ സാനന്ദരാജ് ആരാണ് ?


മലയാള സാഹിത്യത്തില്‍ വിവര്‍ത്തനകലയ്ക്ക് സ്വതന്ത്രമായ ഒരു പാതയൊരുക്കുകയും നവമാനങ്ങളും മന്ത്രങ്ങളും ആദേശിച്ച് ആത്മാവിഷ്‌ക്കാരം നടത്തുകയും ചെയ്ത പ്രശസ്തനായ എഴുത്തുകാരനായിരുന്നു ജോണ്‍ സാമുവല്‍ സാനന്ദരാജ് എന്ന വിവ സാനന്ദരാജ്. വിവര്‍ത്തനകലയില്‍ അദ്ദേഹത്തിന്റെ സംഭാവനകള്‍ മാനിച്ച് സുഹൃത്തുക്കള്‍ വിളിച്ചിരുന്ന പേരാണ് വിവ സാനന്ദരാജ്.

നിരവധി ലോകോത്തര സിനിമകളുടെ തിരക്കഥകള്‍ മലയാളത്തിലേക്ക് അദ്ദേഹം സ്വതന്ത്രമായി വിവര്‍ത്തനം ചെയ്തിട്ടുണ്ട്. ധാരാളം സെന്‍-ബുദ്ധ കഥകള്‍ വിവര്‍ത്തനം ചെയ്തിട്ടുണ്ട്.

ജാതികൊണ്ട് മുറിവേറ്റ ഒരു കീഴാളനാണ് താനെന്ന സാനന്ദരാജ് വെളിപ്പെടുത്തുന്നത് അനുഭവങ്ങളുടെ പാഠപുസ്തകം തുറന്നു കാണിച്ചുകൊണ്ടാ ണ്. നാടാര്‍ ക്രിസ്ത്യന്‍ സമുദായത്തില്‍ ജനിച്ചുവെന്ന കാരണത്താല്‍ പലയിടത്തും വഴിമുട്ടി. പ്രശസ്ത കോമാളിസ്റ്റും, ബ്ലോഗ് എഴുത്തുകാരനും, പ്രസാധകനും, സാഹിത്യകാരനുമൊക്കെ യായ കണ്ണന്‍ മേലോത്ത് എഡിറ്റിംഗ് നിര്‍വ്വഹിച്ചിരിക്കുന്ന 'വിവ സാനന്ദരാജ് ആരാണ്'എന്ന പുസ്തകം സാനന്ദരാജിന്റെ സുഹൃത്തുക്കളുടെ അദ്ദേഹത്തെക്കുറിച്ചുളള ഓര്‍മ്മപുസ്തക മാണെന്ന് വേണമെങ്കില്‍ പറയാം. കാര്‍ട്ടൂണിസ്റ്റും ഒറിഗാമി പെര്‍ഫോമിംഗ് ആര്‍ട്ടിസ്റ്റുമൊക്കെയായ കണ്ണന്‍ മേലോത്ത് ഉള്‍പ്പെടെ വലിയൊരു സുഹൃത്ബന്ധത്തിന് ഉടമയായിരുന്നു സാനന്ദരാജ്. ആമുഖമായി പ്രശസ്ത സാഹിത്യകാരന്‍ പെരുമ്പടവം ശ്രീധരന്‍ എഴുതിയ ലേഖനമുള്‍പ്പെടെ നിരവധി എഴുത്തുകാരുടെ ഓര്‍മ്മക്കുറിപ്പുകള്‍ ഈ പുസ്തകത്തില്‍ ഉള്‍ക്കൊളളിച്ചിരിക്കുന്നു.

പി. രവികുമാര്‍, ചേനംകുളം മോഹന്‍കുമാര്‍, ശരത് ചന്ദ്രലാല്‍, ശശീന്ദ്രദാസ്, ബി. അനില്‍കുമാര്‍ ബൂമറാങ്ങ് എന്നിവരുടെ ലേഖനവും മനോജ് ബ്ലിസിന്റെ കവിതയും പുസ്തകത്തിലുണ്ട്. 

ഇടനേരം കൂട്ടായ്മയാണ് പുസ്തകം പ്രസിദ്ധീകരിച്ചിരിക്കുന്നത്.

No comments:

Post a Comment